Sermersooq Business Council-imi siulersuisut nutaat

03/04/2018

Aningaasaateqarfik Sermersooq Business Council – imaluunniit SBC – aningaasaateqarfiuvoq inuussutissarsiutinik ingerlatsisuusoq, Kommuneqarfik Sermersuup iluani inuussutissarsiornermi ineriartortitsinissamik tapersiisarnissamillu siunertaqartoq. SBC suliffeqarfinnit kattuffinnillu arlalinnit pilersinneqarsimavoq, tamarmik siulersuisuni ilaasortaatitaqartunik. Ulloq 23. marts siulersuisut ataatsimiipput, tassani siulersuisuni 14-inik ilaasortaqartuni, ilaasortat nutaat 8-it ilaasortanngorlutik.

 

Siulersuisut nutaat tassaapput:

1.     Michael Mørch (siulittaasoq) – Nuummi Sulisitsisut

2.     Jesper Hansen (siulittaasup tullia)  – GrønlandsBANKEN

3.     Asii Chemnitz Naarup – Kommuneqarfik Sermersooq

4.     Bo Volfred Christensen – Sermersooq Seafood

5.     Brian Torp – Comby

6.     Helle Siegstad – Pinngortitaleriffik

7.     Iddimanngiiu Bianco – Destination East Greenland

8.     Jens Paulsen - Nuummi Sulisitsisut

9.     Lars Mathæussen - NAPP

10.  Morten Nordahl – Kommuneqarfik Sermersooq

11.  Nicolaj Sørensen - Nuummi Sulisitsisut

12.  Susanne Andreasen – Nunatta Isiginnaartitsisarfia

13.  Thomas Mogensen - BankNordik

14.  Ujoorsi Therkildsen – NSIP

 

Piginnaasaqarfiit nutaat

Siulersuisut nutaat ataatsimoorlutik takornariartitsisarnerup, aalisarnerup, kultureqarnerup, suliffeqarfinnut atugassarititaasunut killissaliussat, killiffinni tamaginni aallarnisaasarnerup aamma inuussutissalerinerup iluanni atituumik piginnaasaqarfeqarput – qulequttat taakkua SBC-ip periusissatigut sammisaqarfigalugit.

”Siulersuisuni ilaasortat nutaat SBC-mut ilisimasanik nutaanik immersueqataassapput. Tamatuma kingunerisaanik, 2018-2021-mut periusissat suliaqarfigisaasa iluanni ilisimasat aamma piginnaasaqarfiit  annertuut iluanni suliniuteqarnerput siunnerfeqartissinnaassallutigu. SBC-ip peqatigisaanik siulersuisuni ilaasortani tunuartut Sermersuumi inuussutissarsiornerup ineriartortinneqarneranut pikkorissumik aallussiviulluartumillu immersueqataasimanerannut qutsavigai.” oqarpoq Michael Mørch, SBC-imi siulersuisuni siulittaasoq.

Søg på siden