Pisortaq

31/10/2017

Pisortartaaq - SBC-imi ulloq 1. december atorfinittussaq - tassaavoq Rune Krogh Fridorff-Hansen. Nunani tamalaani it-mut suliffeqarfimmi EG A/S-imi nunamut pisortatut atorfimmeersuuvoq. Aqutsinermut, ingerlatsinermik ineriartortitsinermik, IT-imik aamma Kalaallit Nunaanni aallarnisaanernut ukiut 15-it sinnerlugit misilittagaqarnini atussavaa.

 ”Pingaartittuuara angusassat eqqarsaatigalugit ineriartortitsinissaq minnerunngitsumillu siuariartortitsinissaq. Kalaallit Nunaanni ingerlatsinermi ineriartortitsinermi misilittakkama atornissaat aammalu Kommuneqarfik Sermersuumi siuariartortitsinissamut periarfissanik nutaanik tunngavisseeqataanissaq qilanaaraakka.” oqarpoq Rune Krogh Fridorff-Hansen.

Pisortartaaq Kalaallit Nunaanni peroriartorpoq, Danmarkimi ilinniagaqarluni aammalu ukiut 15-it kingulliit Nuummi najugaqarluni.

 

Inuussutissarsiornermut siunnersuisooqatigiit sukkasuut

Rune Krogh Fridorff-Hansen-ip pisortatut atorfimmi Ulla Lynge Sermersooq Business Council-ip aaqqissuussaanikkut aallarteqqaarneraniilli inuussutissarsiornermi ineriartortitsinermi sullissivittut ineriartortinneqarneranik siunnerfilimmik sulisimasoq, taarsissavaa.

Sermersooq Business Council Kommunqarfik Sermersuup killeqarfiisa iluanni inuussutissarsiornermi ineriartortitsinermut aallartitsisartuuvoq aammalu inuussutissarsiornerup ineriartortinneqarnerani siuariartortitsinerup tunngavissinnissaanut piviusunngortitsinissaq sulissutigalugu. Aaqqissuussaanermi ilaatigut suliassaqarfiit aalisarneq, nerisassanik nioqquteqarneq, assartuussineq, inuussutissasiornermi misissueqqissaarnerit, piginnaasaqarfinnik inerisaanerit, Colourful Nuuk minnerunngitsumillu aallarnisaasunik siunnersuisarneq, aallunneqarput.

Søg på siden