Nuummi siunissami takornariartitsinermut sunniigit

18/01/2018

Siunertaq

Nuummi takornariartitsisarnermi ineriartortitsinermut sunniigit. TIUP-imi suliniummi peqataasutut Nuummi siunissami takornariartitsisarnermi sunniuteqarnissamut aammalu suliaqartut sinneri suleqatigalugit suliaqarfiup ineriartortinneqarnerani pitsaanerpaanik aaqqiissutissarsinissamut, periarfissaqarputit.

Illit piujuarnerusussamik ingerlatsinermi ilusiliisinniarlutit aammalu Nuuk pilerinaateqartinnerulerniarlugu, illit aamma suliffeqarfiit isumassarsiortinneqassapput, unammilligassaqartinneqassallutik, suliassaqartinneqassallutik aammalu ilisimasat nutaat atuutsilernissaannut suliaqartinneqassallutit.

 

Tunngaviusoq

Nuummi takornariartitsinermik suliaqartut annertoorujussuarnik periarfissaqarfeqarput aammalu soqutiginninneq annertusiartorpoq. Nuummut angalanernik tuniniaaneq pillugu angalatitsisartut neriulluartorujussuusut, VestNorden Travel Mart 2017-imi angalatitsisartut akornanni misissuinerup takutippaa – peqatigisaanillu pitsanngorsaanissanut akissuteqarput – allanngortitsinerit aatsaat ataatsimoorluni suliarisinnaasagut.

Akissuteqaat taanna, ajornartorsiutinut takornariartitsinermut suliffeqarfinnit suliaqartuusut ataatsimiinneranni oqaatigineqartunut, sanilliukkaanni, suliniummi aallunneqassapput:

 

  • Ornigassamut Colourful Nuummut ataatsimoorluni takorluugaq qanorissava?
  • Ingerlatsinermut ilusiliaq sullitanut ikittunut qanoq pitsanngorsarneqassava?
  • Akigititaq aamma pitsaassutsip pitsaassusaa qanoq pitsaanerusumik tulluarsarneqassappat?
  • Suliaqartut anguniakkamik angunissaannut qanoq pitsaanerusumik suleqatigiissappat?
  • Angalatitsiviit sullitanut nutaanut tunisassiaminnik tuniniaasinnaanissanut suut pisariaqartippai?
  • Nittarsaassineq sunniuteqarluarnerpaaq qanoq akikinnerpaatinneqassava, aammalu qanoq kikkut tamarmik tunniussaqarsinnaappat?

 

Pisussanut pilersaarut

Ingerlatassami ulluni marlunni workshop tallimaassapput. taakkua ingerlatsinermik ineriartortitsinerup, tunisassianik ineriartortitsinerup, nittarsaassinerup, ornigassanik ineriartortitsinerup aamma ataatsimoorluni suleqatigiinnerup iluanni nunani tamalaaneersunit aamma najukkameersunit immikkut ilisimasalinnit aqunneqassapput.

Pilersaarut

 

Paasissutissat aamma attaveqarfissaq

Peqataaneq: akeqanngilaq

Oqaatsit: Tuluttut, kalaallisut aamma danskisut

Annertunerusunik paasiniaagit aammalu peqataanissamut nalunaarlutit kingusinnerpaamik 31. januar uunga Stine Selmer Andersen - stine@business.gl imaluunniit +299 341083 

Søg på siden