NERISA – an Arctic Food Cluster

18/02/2019

Inuussutissarlerineq soqutignarluinnartut pilersitsinerup, nutaaliornerup, peqqinnerup, ilisimatusarnerup, aallarnisaanerup, kulturip takornariaqarnerullu akornanni inissisimavoq. Inuussutissat nerisassanillu misigisassarsiorneq assigiinngitsorpassuit iluanni ineriartortitsisinnaavoq allaat inuussutissarsiorfiit assigiinngitsut akornanni. Piukkunnaatillu tamassuma Sermersooq Business Councili nerisassanut tunngatillugu attaveqaatinnik pilersitsissutigisimallugu. Attaveqaatit tassaapput suliffeqarfiit assigiinngitsut ataatsimoorlutik iliuuseqarsinnaasut allat peqatigalugit, soorlu ilisimatusarnerup, ilinniartitaanerullu iluaneersut peqatigalugit nutaaliornerup, ineriartortitsinerup pilersitsinerullu iluani siuarsaasussat.

 

”Sermersooq Business Councilimi inuussutissat isiginiarneqartorujussuupput tassanilu attaveqaateqarneq ineriartortipparput inuussutissarsiuummi inerisaatitut atorniarlugu, isiginiarneqartorlu siullerpaaq tassaavoq suliffeqarfiit suleqatigiisinneqarneratigut ataatsimoorlutik angusaqarnissaat.”

- Rune Fridorff-Hansen, Sermersooq Business Councilimi pisortaaneq

 

Nerisassiorneq pillugu attaveqaat uummarpoq

Anne Nivíka Grøden 2018-imi septembarimi Sermersooq Business Counciliminngaanniit nerisassat pillugit attaveqaammi suliniummi ingerlatsisutut atorfinitsinneqarpoq. Anne Nivíkap suliassaa tassaavoq nerisassiornermi attaveqaatip ingerlanneqarnissaa inerisarneqarnissaa, tamannalu ingerlatissavaa suleqatigiilersitsinikkut suliassanillu assigiinngitsunik aallartitsinikkut. Nerisassat pillugit attaveqaammi ilaasortat ukiumut sisamariarlutik naapittarput sammineqartartartullu tassaanerusarput matchmaking, ilisimasanik avitseqatigiinneq, suleqatigiilluni suliniuteqarneq, attaveqarneq takussaanerlu. Inuussutissarsiuutip iluani ilaasortat ingerlatsiniarneranni sammisat unammillernartut periarfissallu initunerpaat eqqartorneqartarput. 

Qanittumi nerisassat pillugit attaveqaat 2019-imi siullermeerluni ataatsimiippoq, tassanilu attaveqaatip taaguutissaa nutaaq aaliangiunneqapoq, taannalu tassaavoq: ”NERISA - an Arctic Food Cluster”. Siullertut suliassat oqinnerit illoqarfimmilu suliaqarsinnaasut atorneqassapput. NERISA’lli takorluugarivaa attaveqaatip nuna tamakkerlugu nunarsuarmilu allani ilisimaneqalernissaa, taamaattumik aamma atia taamannak inissinneqarsimasoq.

 

”NERISA aqqutigalugu inuit kalaaliminermik sammisaqarnissamik soqutigisallit attaveqarfigilerpakka. Tassuunalu inuussutissarsiornerup iluani periarfissat unammilligassat kiisalu kalaalimernit qanoq soqutigineqarnerulersimatigineri paasisaqarfigisinnaallugit.”

- Nikoline Ziemer, Royal Greenlandimit NERISA’mut aallartitaq

 

Inuussutissarsiornermit sinaakkutinut sunniutit

NERISA’mi ilaasortat nerisassiornermi aallarnisaasut ajoqutigisartagaat isiginiartorujussuuvaat, tassami taakkua neriuuteqaramik isumassarsiat tunisassiarineqassasut. Ilaatigut ajornartorsiutit Inuussutissalerinermi inatsimmi allassimasuupput, taannalu ullumikkut small scalemik taasamik inuussutissarsiorniarnermi takornarianulluunniit nerisassatigut misisgisassarsiortitsiniarnermi ajornartorsiortitsivoq.

NERISA’minngaanniit Inuussutissarsiornermut Nukissiuuteqarnermullu Naalakkersuisoqarfik kiisalu Aalisarnermut, Piniarnermut Nunalerinermullu Naalakkersuisoqarfik oqaloqatigilluarneqarput, taakkununngalu inuussutissalerinermut inatsimmut allannguutaasinnaasunik siunnersuusiornissamut periarfissinneqarnikuullutik

 

”NERISA’mi ilaasortat inuussutissarsiuutinit arlalippassuarnersuummata iliuuseqartoqarsinnaassuseqartoqarpoq, taakkualu kattullutik aaliangersimasumik anguniagaqarput. Inuussutissalerinermut inatsimmut allannguutaasinnaasunik siunnersuusiorsinnaatitaanitsigut ersersinneqarpoq qanoq pingaaruteqartigineripput taamaaliortoqarneratigullu inuussutissarsiutit iluanni inerisaasoqarsinnaanissaanut allannguutinik pisariaqartunik nikisitseqataasinnaalluta.”

- Anne Nivíka Grødem, Suliummi aqutsisoq 

 

NERISA aaliangersimasunuinnaanngilaq. Kikkulluunniit tunniussaqarusuttut tikilluaqqusaapput.

NERISA’p suliai pillugit paasisaqarnerorusukkuit, nutaarsiassiissut kingulleq uani atuarneqarsinnaavoq: issuu.com/business.gl/docs/f_devareklyngen_gl

imaluunniit suliniummi aqutsisoq; Anne Nivíka Grødem oqarasuaammut 560282-imut, e-mailimulluunniit nivika@business.gl -imut saaffigineqarsinnaavoq

Søg på siden