Aningaasaateqarfimmut Sermersooq Business Council-imut allaffissornermi sulisussaq

13/02/2018

Allaffissornermi sulisortaatsitut suliassat allanngorartut amerlasuut suliarisalissavatit, ilaatigut tassaassallutik:

  • Sullitanik oqarasuaatikkut aammalu allaffimmut toqqaannartumik saaffiginnittunik sullissineq
  • Suliniutini suleqatigiinnut ikiuunneq, assersuutigalugu pilersaarusiorneq, kopiiliorneq, nutserineq, imaqarniliat
  • Pisortamut allatsitut atuunneq, ilanngullugu siulersuisut sullinneqarnerat
  • Angalanerit, ataatsimeersuarnerit, sammisaqartitsinerit il.il. pilersaarusiorlugit ataqatigiissaarlugillu
  • Nittartakkanik aamma SBC Facebook-imi aamma Instagram profil-imi nutarterinerit annikinnerusut.
  • Naatsorsuutini allattuinermi suliassat, aningaaserivimmi nalimmassaanerit, Navision-imi aningaasarsialerinerit

 

Inuttut pissuseqarnitit

Suleqatitut inussiarnersuuvutit nuannaartuullutillu. Nammineq aammalu ataatsimoorluni suliassanut akisussaaffimmik tigusisarputit. Aallussilluartuunissat suliniuteqallaqqissuunissallu pingaartipparput. Tamatuma saniatigut pingaartipparput:

  • Peqqissaartuunissat aammalu pitsaassutsinik eqqumaffiginnittuunissat
  • Paasisimaarinnilluartuusutit nikallujuitsuusutillu

 

Piukkunnassuseqarnitit

Allaffissornermi sulinermi imaluunniit allatsitut atorfeqarnermi misilittagaqarputit aammalu ataatsikkut suliassarpassuit ingerlannissaat sungiusimallugu. Taamatuttaaq kalaallisut, danskisut aammalu ajornanngippat tuluttut attaveqaqateqarluartuunissat pingaaruteqarpoq.

 

  • Suliassanut nikerartunut akisussaasuunissaq aammalu paasisimaarinniinnarnissaq sapinngilat.
  • Tulleriissaartumik suleriaaseqarputit aammalu namminersorlutik sulisinnaallutit
  • Allattariarsornikkut oqaaseqatigiiliullaqqissuuvutit.
  • Digitaliusunik aallaavilinnik internettip silarsuaani sulinermik sungiusimannikkuit annertuumik iluaqutaassaaq

 

Neqeroorutigaavut

  • Suliffik namminersorfiusorujussuaq
  • Suliassat pissanganartut allanngorartullu
  • Suleqatit pikkorissut aallussilluartullu

 

Paasissutissat annertunerusut

Mail-imik nassiussiit uunga rune@business.gl. Itisiliisussanik apeqquteqarniaruit Pisortaq Rune Fridorff-Hansen oqarasuaammut 341080-imut attaveqarfigisinnaavat.

Atorfininneq sapinngisamik piaartumik, oqaloqateqarnerit ingerlaavartumik ingerlanneqassapput. Akissuteqarnissamut killiliussaq 27. februar 2018 nal. 12.

Søg på siden