Aaqqissuussinerit

Uani quppernermi SBC-ip siunissami aaqqissuussinissaanut pilersaarutai takusinnaavatit. Aamma Facebook-imi Instagram-imilu malinnaaffigisinnaavatsigut, taakkununnga qaaqqusissutit iliorarneqartarput.

Pisisartutut misigisaq pitsaasoq, 3. sept., Nuuk

Sullitavit pitsaanerpaamik misigisaqartinnissaa ilikkagaqarfigitinniarlugu Servicemind’imeersup Søren Lybyep soqutiginartumik oqalugiartinnissaanut Sermersuumi Inuussutissarsiornermut Siunnersuisooqatigiit qaaqquaatit. Oqalugiarneq sapaammi ulloq 3. septembari nal. 13:00 – 15:00 ingerlanneqassaaq, aammalu ulluni marlunni 5.- 6. septembari nal. 17:00 – 21:00 workshopinik malitseqartinneqassalluni.

Peqataaniarluni nalunaarnissamut killiliussaq tassaavoq 1. septembari 2017 nal. 14.00. Peqataaniarluni nalunaarneq aamma suliffeqarfiutit/suliffeqarfiutersi pillugu paasissutissat uunga nassiutikkit paninnguaq@business.gl imaluunniit uunga sianerit: 34 10 88.

Ataatsimersuarneq: Periarfissat Nutaat - 5. sept. 2017 Nuummi

Imarpikkut assartuinermi kiisalu silaannakkut assartuinermi attaveqaqatigiinnermi atukkat allannguutaat Islandip Kalaallit Nunaatalu akornanni tunisassianik eqqussuinermi avammut nioqquteqarnermi, sanaartornermi kiffartuussinermi kiisalu takornariaqarnikkut qanoq sunniuteqassappat? Periarfissat suut pilersinneqarpat aammalu piareersaatit suut maannagaaq aallartinneqariissappat? Niueqatigiinnerup iluani akimmisaaruteqarsimappat oqallisigisassat suuppat?

Ulloq: 10.00-18.00

Sumi: Katuaq

Nalunaarfissaq: 30. august - booking@business.gl

Oqalugiarneq, 28. sept., Nuuk

Kulturi aamma inuussutissarsiorneq qanoq suleqatigiissutigineqarsinnaappat? 

Oqalugiareernerup kingorna tusarnaartut kulturi inuussutissarsiornerlu pillugu oqallinnermut ilaserineqasspput aammalu qanoq namminneq suleqataasinnaanertik pillugu isummersortinneqassallutik. 

Piffisaq: 28. september 2017, nal. 14.00-16.00

Sumiffik: Nunatta Isiginnaartitsisarfia//Grønlands Nationalteater - Industrivej 27, 3900 Nuuk

Peqartaaniarluni Nalunaarfissaq: booking@business.gl - Kingusinnerpaamik tallimangorneq 22. september 2017.

 

 

Allarnisaasunut sap.ak. 46 Nuuk

Aallarnisaasunut sapaatip akunnerani aallarnisaaneq sammineqassaaq, tassuunakkullu aallarnisaasooreersunut aallarnisaasunngorumaartussanullu kajumissuseqalersitsisinnaassalluni isumassarsiorfigineqarsinnaallunilu.

Pilersaarut

Søg på siden