Suliffeqarfiutiga – suliffeqarfimmut pilersaarut nutaaliaq

Aallarnisaasuuit suliffeqarfiusinnaasumillu isumassarsiaqarlutit aallartisarusullutillu? Sermersooq Business Counciliminngaanniit suliffeqarfimmut pilersaarummik nutaaliaasumik aallarnisaasut atorsinnaasaannik peqarpugut, taannalu atorlugu suliffeqarfiit immikkuullarissumik saqqummiussinnaallugu.

Suliffeqarfimmut isumassarsiatsialak ilaannikkut imaaliallaannaq immersugassamut excel arkimulluunniit allaaserineqarsinnaanngilaq – ilaannikkut assiliartalersorlugu, qalipaasersorlugu allatigulluunniit nutaaliaasunik ilaartorlugu saqqummiunneqartariaqartarpoq. Suliffeqarfimmut pilersaarut nutaaliaasoq atorlugu isumassarsiat, naatsorsuutigisatit, atortussatit aallarnisaasutullu piginnaanitit paasissutissiissutigisinnaavatit – takorluukkatit aallaavigilluinnarlugit!

Skabeloni atorlugu sinnattutit nutaaliaasumik suliarisinnaanngorpatit taamaakkaluartorli aamma tulleriiaarilluinnarsinnaavutit immersugassamimi nalinginnaasumik paasissutissat missingersuutillu pisariaqartinneqartartut aamma matussuserneqarmata. Pilersaarusiaq suliffeqarfik pillugu saqqummiussiniartillutit assersuutigalugu bankimut, naatsorsuuserisunut Greenland Businessimut assigisaanulluunniit saqqummiussiniartillutit atorsinnaavat.

 

Siunnersuineq ilitsersuinerlu

Suliffeqarfimmut pilersaarusiornissannut isumasioqateqarniaraangavit, nittarsaassinissannut oqaloqateqarusukkaangavit, missingersuusiorniaraangavit siunnersorneqarusuinnaraangavilluunniit Sermersooq Business Council saaffigisarsinnaavat.
Siunnersuutitsialaat, suliffeqarfimmut pilersaarusiuutit, missingersuusioriaatsit qinnuteqarfigineqarsinnaasulluunniit saamiata tungaani nassaarisinnaavatit.

Ugguuna suliffeqarfimmut pilersaarut nutaaliaasoq downloadersinnaavat immersornissaanullu pisariaqartitsiguit saaffigisinnaalluta.

 

Skabeloni Sermersooq Business Counsilip KarlBak-illu suleqatigiinneratigut saqqummiunneqarpoq.
Suliffeqarfimmut pilersaarut nutaaliaasoq 2007-imi Erhverv- og Videncenter Vestsjællandimit suliarineqarsinavoq.

Søg på siden