Siunnersuutitsialaat

 
Isumassarsiaq

Aallarnisaasutut iluatsitsissaguit suna tamaat aallaqqaataaneertariaqanngilat. Isumassarsiami pioreersumi nutaamik sammiviliineq naammalluarsinnaavoq. Pingaaruteqarnerpaasoq tassaavoq illit suliarerusulluinnakkannik nassaarnissat. Anguniakkap suunera eqqarsaatigiuk. Nammineq aallartitsillutit misilikkusuinnarpiuk, aningaasaqarnikkut kiffaanngissuseqarnissat kissaatigaajuk imaluunniit allarluinnarmik pissuteqarpit?

 

Ilaquttat iluatsitsinngitsooratarsinnaanerlu

Isumassarsiat pillugu ilaquttatit oqaloqatigikkit. Aallartitsiniarneq piffissaajarnartorujussuuvoq, pingaaruteqarporlu ilaquttannit tapersersorneqarnissat. Aallartitsininiarnerit aamma nammineq aningaasaqarnerpit kivissinnaaneraa misissussavat, ingerlaannartumimmi sinneqartooruteqarnissaq naatsorsuutigineqartariaqanngilaq.

 
Niueruteqarnissamut tunngavissaq

Isumassarsiat niuerutinngortinniarukku makku eqqarsaatigissavatit:

  • Pisisussat kikkuuppat?
  • Taakkununnga naleqarnerulersitsivit?
  • Tunisassiaq illit nammineq pisiarerususussinnaaviuk?

 

Kisimiillutit imaluunniit suleqateqarlutit?

Kisimiilluni suliassat suliarineranniit suleqatigiilliuni suliffeqarfimmik aallartitsinissaq oqinnerusinnaavoq. Piginnaasat pisariaqartinneqartut tamaasa nammineq piginissaat ajornarluinnangajappoq. Peqatigiillusi suliffeqarfimmik aallartitsissagussi, taava suliffeqarfiup qanoq ineriartornissaa pillugu ilimasuutisi assigiissarsigit.

Kisimiillutit aallartikkuit eqqarsaatigiuk suliassaqarfiit sorliit allanut suliakkiutigisinnaanerlugit, taamaaliornikkut illit suliarerusulluinnakkat pikkoriffigisallu aallussinnaaniassagakku.

 
Interneti atoruk

Aallarnisaaneq pillugu internetimi ullutsinni paasissutissarpassuarnik nassaassaqarpoq.

Taakku allarpassuillu aallarnisaasunut pitsaasunik siunnersuisarput.

 
Aallartugit

Ullumi aallartigit! Isumassarsiat pillugu inunnik oqaloqateqarit. Isumassarsiat pisisartunngorsinnaajumaartussanut saqqummiuguk paasillugulu isumassarsiat atorsinnaanersoq, imaluunniit pitsaalluinnartunngortinniarlugu allanngortilaagassaassanersoq.

 

 

Søg på siden