Aallarnisaaneq

Inuussutissarsiummik aallartitsiniarlugit pilersaarusiat, nittarsaannissat imaluunniit missingersuusiorneq pillugit siunnersorneqarnissamik pisariaqartitsiguit imaluunniit allatut kaammattorneqarusukkuit SBC attaveqarfigiuk.

Allakkat linkillu pingaarutillit saamiatungaani nassaarikkit.

 

Aallarnisaasut illuat

Aallarnisaasuuit, inuussutissarsiummullu atugassannik inimik attartugassannik amigaateqarlutit? Taava Aallarnisaasut illuanni, Nuukullak 35, 3900 Nuuk, inimik attartornissamik qinnuteqarnissamut periarfissaqarputit. Attartorsinnaajumallutit suliffeqarfiit:

  • aallartisarluni inissisimassaaq
  • alliartortinneqarsinnaanissamut ilimanaateqassaaq
  • avammut tuniniaasinnaanissamut ilimanaateqassaaq
  • tunisassiaq immikkuullarissuullunilu unammilleqatigiinnermut akornusiissanngilaq
  • nutaaliortuullunilu pilersitsisinnaassuseqassaaq

Aallarnissaasut illuannut inissinnissannut periarfissinneqassanersutit inuussutissarsiutillit aamma ilinniartoqarfiit aallartitaasa aalajangissavaat. Attartussanersutit SBC’ip aalajangissanngilaa, kisiannili qinnuteqaativit suliarinissaanik siunnersorlutillu apeqqutit pisariaqartitatit pillugit ikiussallutit. Eqqumaffigissavat sivisunerpaamik ukiuni pingasuni inimik attartorsinnaagavit, aammalu suliffeqarfiit aallarnisaasut illuanni inissisimasut SBC’ip aaqqissuussaanut assigiinngitsunut peqataanissaminnut pisussaaffeqartarmata.

Annertunerusumik paasisaqarusukkuit, attavigiuk info@business.gl

 

 

Aallarnisaasunut aaqqissuussinerit

SBC aallarnisaasunut workshopinik siunnersuinernillu ataavartumik ingerlatsivoq. Ilaatigut aallarnisaasunut Start-Up ingerlanneqartarpoq. Sap.ak. 47-mi aallarnisaasunut ukiumoortumik aaqqissuussisoqassaaq, taakkunanilu oqalugiarnerit workshopillu isumassarsiorfigisinnaavatit. Aaqqissuussinerput uani nassaariuk.

Søg på siden